1876 - 1924 (48 jare)
-
| Naam |
Marthinus Gerhardus Gouws |
| Geboorte |
16 Jul 1876 |
Lichtenburg  [1] |
| Gedoop |
19 Des 1876 |
Potchefstroom |
|
| Geslag |
Manlik |
| Krygsgevangene |
25 Mei 1901 |
Boschbult |
| Krygsgevangene op Bermuda |
| Oorlede |
29 Okt 1924 |
Wesfort Hospitaal vir Melaatses |
|
| Notas |
- Marthinus Gerhardus Gouws word op 16 Julie 1876 gebore as derde kind van Daniël Christiaan Philippus Gouws en Maria Magdalena Hendrika le Roux en is vernoem na sy oupa wat gedurende die Groot Trek eers na Natal verhuis het en hom vervolgens na die tweede trek in die omgewing van Lichtenburg gevestig het. By sy doop op 19 Desember 1876 in die Hervormde Kerk Potchesftroom is sy oom Stephanus Cornelis Gouws en die se vrou Margrietha Elizabeth le Roux die doop getuies. Margrietha was die jonger suster van sy ma.
Marthinus se ouer suster Susara Johanna Josina Gouws was die moeder van oupa Daantjie en was getroud met ’n neef wat ook die name Marthinus Gerhardus Gouws gedra het.
Op 28 Februarie 1899, 'n skamele 8 maande voor die uitbreek van die Tweede Vryheidsoorlog is Marthinus getroud met Helena Dorothea Botha, die dogter van Frederik Johannes Jacobus Botha en Aletta Elizabeth le Roux. Sy is op 17 Februarie 1879 gebore en op 1 Junie 1879 in die Hervormde Kerk Potchefstroom gedoop. In ’n aantal dokumente skryf sy soms self haar naam as Magdalena Dorothea.
Die egpaar het hulle na die huwelik vermoedelik op die plaas Boschbult in die omgewing van Delareyville wat aan Marthinus se vader behoort het gevestig.
’n Gelukkige lewe saam was hulle egter nie beskore nie. Kort na die huwelik breek die oorlog uit en Marthinus word op 25 Mei 1901 te Boschbult gevang en na Bermuda verban. Sy vrou Lenie is op 2 Junie 1901 in die konsentrasiekamp te Mafeking waar sy op die 13de November geboorte skenk aan hulle eerste kind Aletta Elizabeth. Aletta word in die kamp gedoop op 18 Januarie 1902 met haar oupa Frederik Johannes Jacobus Botha, ouma Aletta Elizabeth le Roux en vermoedelik haar oupagrootjie Pieter Hermanus Botha as getuies. Hoewel daar geen rekord van haar dood is nie, is die kind moontlik in die Mafeking kamp oorlede aangesien sy ten tyde van haar pa se dood nie as een van die oorlewende kinders genoem word nie.
Met sy terugkeer uit Bermuda vul Marthinus soos meeste van die boere ’n eis ter vergoeding in vir die verliese wat hy gely het. Op die laaste nota in sy eis word vermeld “Claimant who formerly lived on the farm Boschbult in the District of Lichtenburg is a man in very poor circumstance who has to struggle very hard to earn a livelihood”. Hy ontvang uiteindelik 37 pond vergoeding vir alles wat hy verloor het.
Na die oorlog het Marthinus en Lenie waarskynlik op die plaas Rietpan gaan woon, waar hulle in die periode 1903 to 1918 nog 7 kinders gehad het (Maria Magdalena Hendrika, Daniël Christiaan Philippus, Frederik Johannes Jacobus, Helena Dorothea (ouma Lenie), Stoffelina Maria, Marthinus Gerhardus en Susara Johanna).
Hoe goed of sleg hulle omstandighede was kan oor bespiegel word, maar soos met meeste van die boere na die oorlog kan mens aan neem dat hulle dit nie breed gehad het nie.
Marthinus sterf op 29 Oktober 1924 op die leeftyd van 48 in die Wesfort Hospitaal vir Melaatsheid (ook genoem die Pretoria Lazarette). Op die kennisgewing van sy dood word veremeld dat hy toe reeds 8 jaar aan melaatsheid gely het en dat die oorsaak van sy dood melaatsheid en longonsteking was. Vermoedelik is hy ook in die begraafplaas te Wesfort begrawe. Melaatsheid was in die tyd onbehandelbaar, en daarom is die Wesfort Hospitaal (oorspronklik Daspoort Hospitaal) reeds in 1888 gevestig om mense met die siekte te issoleer. Of Marthinus melaatsheid in Suid-Afrika opgedoen het of in Bermuda kan mens net bespiegel.
In sy boedelrekening word die bietjie vee en huisraad wat hy besit gewaardeer vir 45 pond en na laste lewer dit uiteindelik 33 pond wat tussen sy eggenote en kinders opgedeel word. Die notaris John de Klerk skryf nog self ’n nota onder aan die boedelreking oor die benarde situasie waarin die vrou en onmondige kinders hulle bevind.
Na sy dood word ouma Lenie in ’n pleeggesin geplaas en het nooit meer kontak met haar moeder, en vir geruime tyd, ook nie met meeste van haar susters en broers nie.
|
| Persoons ID |
I110 |
Geslagregisters |
| Laaste Opgedateer |
6 Feb 2021 |
| Familie |
Helena Dorothea Botha, * 17 Feb 1879, Potchefstroom † 21 Apr 1944, Vierdestraat 2, Germiston (Ouderdom 65 jare) |
| Huwelik |
28 Feb 1899 |
Potchefstroom [4] |
| Kinders |
| | 1. Aletta Elizabeth Gouws, * 13 Nov 1901, Mafeking |
| | 2. Maria Magdalena Hendrika Gouws, * 2 Okt 1903, Schweizer-Reneke |
| | 3. Daniël Christiaan Philippus Gouws, * 10 Mei 1906, Schweizer-Reneke † 7 Jan 1970, Pretoria (Ouderdom 63 jare) |
| | 4. Frederik Johannes Jacobus Gouws, * 4 Okt 1908 † 25 Jan 1990, Pretoria (Ouderdom 81 jare) |
| + | 5. Helena Dorathea Gouws, * 1 Mrt 1911, Delareyville † 28 Jun 1974, Sasolburg (Ouderdom 63 jare) |
| | 6. Susara Johanna Gouws, * ca 5 Feb 1914 † 5 Jan 1940, Wesfort Hospitaal vir Melaatses (Ouderdom 25 jare) |
| | 7. Stoffelina Maria Gouws, * 29 Apr 1917, Delareyville † 22 Aug 1984, Krugersdorp (Ouderdom 67 jare) |
| | 8. Marthinus Gerhardus Gouws, * 13 Jul 1918, Delareyville |
|
| Familie-ID |
F38 |
Groepsblad | Family Chart |
| Laaste Opgedateer |
31 Jan 2021 |
-
-
| Dokumente |
 | Sterfkennis Susara Johanna Gouws 1914-1940
https://www.familysearch.org/ark:/61903/3:1:3Q9M-CSSD-23WY-S?i=1283&cc=2520237 |
 | Ten minste een lewende individu kom voor op hierdie foto - Besonderhede weerhou.
|
-
| Bronne |
- [B325] Familiebybel Daantjie Gouws en Marja le Roux, 6 Feb 2021, 1 (Betroubaarheid: 2).
Bengebore Onse seun Marthinus Gerhardus Gouws op die 16de July 1876
Transkripsie van die familieregister uit die familiebybel van Daantjie Gouws en Marja le Roux, Bladsy 1, https://www.geslagregisters.com/showmedia.php?mediaID=255&albumlinkID=78
- [B194] Burgerlike Registrasies Huwelike en Sterftes Transvaal, 25 Jan 2021 (Betroubaarheid: 3).
Wanneer gehuwd. 1872 July 8
Volle naam der gehuwden. Daniel Christiaan Philippus Gouws [met] Maria Magdalena Hendrika Leroux
"South Africa, Transvaal, Civil Marriages, 1870-1930," database, FamilySearch (https://familysearch.org/ark:/61903/3:1:3Q9M-C91J-Y7QS-F?cc=2727134 : 27 September 2019), > image 1 of 1; Citing NARS "Civil registration (marriages - coloureds), Transvaal and Swaziland, 1898-1927." The National Archives and Records Service of South Africa, Pretoria.
- [B325] Familiebybel Daantjie Gouws en Marja le Roux, 6 Feb 2021, 1 (Betroubaarheid: 2).
Daniël Christiaan Philipus Gouws. Gebore 27 April 1852 En is getroud met Maria Magdalena Hendrika LeRoux op die 8ste junie 1872
Transkripsie van die familieregister uit die familiebybel van Daantjie Gouws en Marja le Roux, Bladsy 1, https://www.geslagregisters.com/showmedia.php?mediaID=255&albumlinkID=78
- [B167] Burgerlike Registrasies Huwelike Transvaal, 31 Jan 2021 (Betroubaarheid: 3).
Wanneer Gehuwd: 28 Februari 1899
"South Africa, , " database with images, FamilySearch (https://www.familysearch.org/ark:/61903/3:1:3Q9M-C91V-VW2F-9 ), 007747940 > image 1097 of 2976
|
: Adres
: Lokasie
: Stad/Dorp
: Distrik/Graafskap
: Staat/Provinsie
: Land
: Nie gevul