Welkom!

Teken Aan

Wat begin het as nuuskierige belangstelling aangevuur deur ‘n stamboom van my grootouers voor in ‘n ou familiebybel, het mettertyd uitgegroei tot ‘n enigsens dwingende stokperdjie met die doel om my familestamboom so volledig moontlik na te vors. Inligting wat ek versamel word op die webtuiste gepubliseer en het met verloop van tyd wyer uitgekring as net my eie voorgeslagte.

Ek gebruik sovêr moontlik primêre bronne tot my beskikking, oftewel van aanlyn argiefversamelings of van besoeke aan argiewe. In gevalle waar ek nie toegang tot primêre bronne het nie maak ek ook gebruik van gepubliseerde sekondêre bronne. En 'n laaste, maar onontbeerlike bron, is die onbaatsugtige bydraes van ander navorsers, hetsy profesioneel of amateur, wat inligting wat met hul eie ywer versamel is, met my deel.

Ten spyte van my poging om so noukeurig as moontlik te wees, is die enigste waarborg wat ek kan gee aangaande die inligting wat hier gepubliseer is, dat daar foute sal wees! En dat dit, soos almal wat familienavorsing doen sal weet, ‘n blywende werk in wording is.

Ek hoop dat u as besoeker die versamelde inligting nuttig sal vind. U is welkom om inligting wat hier beskikbaar gestel is te gebruik vir u eie navorsing, maar plaas asseblief 'n verwysing na die webtuiste. En loer gerus reëlmatig terug om te sien of daar aanpassings was.

Kontak Ons

email imageAs u enige vrae en voorstelle het oor die inligting op hierdie webtuiste, wees so gaaf en skakel my gerus. Ek sien daarna uit om van u te hoor!