Notas:

Oorlede:
Pieter Andries word nie aangegee in die testament of sterfkennis van sy vader Johannes Petrus Gouws nie. In die Drakensteinse opgaafrol vir 1782 word daar ook geen seun aangegee vir Johannes Petrus Gouws nie. Dit is daarom waarskynlik dat hy reeds voor die opgaaf van 1782 oorlede is. Pas in die opgaafrol vir die jaar 1784 word daar 'n enkel seun vir Johannes Petrus Gouws en sy vrou Helena Visagie aangegee. Dit is waarskynlik hul tweede seun Isaac Stephanus Gouws wat in 1783 gebore is en wel in die testament en sterfkennis van sy vader aangegee is.