Dokumente
» Wys alles «Vorige «1 ... 176 177 178 179 180 181 182 183 184 ... 254» Volgende» » Skuifie vertoning
Oorskot van Gert Strijdom na SA gebring
8 Oktober 1993
Marius Strydom
DIE lyk van dr. Gerhardus (Gert) Strijdom, seun van die oud-premier mnr. J.G. Strijdom, is gister per vliegtuig uit Portugal na Johannesburg gebring op dieselfde vlug waarop sy weduwee, Rensché, was.
Mev. Strijdom het gisteroggend sowat drie uur ná haar aankoms op die lughawe Jan Smuts 'n vlug Kaapstad toe gehaal. Dr. Strijdom se lyk sal môre per vliegtuig na Kaapstad gebring word.
Dr. Strijdom, tandarts van Tuine, Kaapstad, is Dinsdagoggend in sy hotelkamer in Lissabon, Portugal, dood aan 'n hartaanval.
Mev. Stella de Wet, 'n jarelange vriendin van die gesin, het gesê dr. en mev. Strijdom was verlede week saam met haar en haar man, adv. Ané de Wet, op 'n jagplaas tussen Tzaneen en Hoedspruit.
Op dié besoek het dr. Strijdom vir die eerste keer die voltooide J.G. Strijdom-tonnel gesien wat na sy pa genoem is.
Adv. De Wet het gesê dr. Strijdom het in die jare sestig op sy pa se plaas, Elsieskraal, op die Springbokvlakte geboer. Dit was een van sy groot wense om terug te gaan na die Bosveld.
Dr. Strijdom het Saterdag 54 jaar oud geword. Hy het die geleentheid saam met sy vrou en adv. en mev. De Wet in 'n braairestaurant in Northcliff in Johannesburg gevier.
Sondag het dr. en mev. Strijdom vir 'n weeklange vakansie na Portugal vertrek.
Dr. Strijdom se seun, Hans, 'n mediese student aan die Universiteit van Stellenbosch, het gesê die begrafnisreëlings is nog nie afgehandel nie, maar sy pa sal waarskynlik Woensdag begrawe word.
Dr. Strijdom word ook oorleef deur sy ma, mev. Susan Strijdom, en sy suster, mev. Estelle Crowson.
8 Oktober 1993
Marius Strydom
DIE lyk van dr. Gerhardus (Gert) Strijdom, seun van die oud-premier mnr. J.G. Strijdom, is gister per vliegtuig uit Portugal na Johannesburg gebring op dieselfde vlug waarop sy weduwee, Rensché, was.
Mev. Strijdom het gisteroggend sowat drie uur ná haar aankoms op die lughawe Jan Smuts 'n vlug Kaapstad toe gehaal. Dr. Strijdom se lyk sal môre per vliegtuig na Kaapstad gebring word.
Dr. Strijdom, tandarts van Tuine, Kaapstad, is Dinsdagoggend in sy hotelkamer in Lissabon, Portugal, dood aan 'n hartaanval.
Mev. Stella de Wet, 'n jarelange vriendin van die gesin, het gesê dr. en mev. Strijdom was verlede week saam met haar en haar man, adv. Ané de Wet, op 'n jagplaas tussen Tzaneen en Hoedspruit.
Op dié besoek het dr. Strijdom vir die eerste keer die voltooide J.G. Strijdom-tonnel gesien wat na sy pa genoem is.
Adv. De Wet het gesê dr. Strijdom het in die jare sestig op sy pa se plaas, Elsieskraal, op die Springbokvlakte geboer. Dit was een van sy groot wense om terug te gaan na die Bosveld.
Dr. Strijdom het Saterdag 54 jaar oud geword. Hy het die geleentheid saam met sy vrou en adv. en mev. De Wet in 'n braairestaurant in Northcliff in Johannesburg gevier.
Sondag het dr. en mev. Strijdom vir 'n weeklange vakansie na Portugal vertrek.
Dr. Strijdom se seun, Hans, 'n mediese student aan die Universiteit van Stellenbosch, het gesê die begrafnisreëlings is nog nie afgehandel nie, maar sy pa sal waarskynlik Woensdag begrawe word.
Dr. Strijdom word ook oorleef deur sy ma, mev. Susan Strijdom, en sy suster, mev. Estelle Crowson.
Oorskot van Gert Strijdom na SA gebring, Beeld, 8 Oktober 1993
| Eienaar van die oorspronklike | Beeld |
| Geskakel aan | Rensche Susanna Meij; Johannes Gerhardus Strijdom |
» Wys alles «Vorige «1 ... 176 177 178 179 180 181 182 183 184 ... 254» Volgende» » Skuifie vertoning