Gedoop deur ds. Meent Borcherds. Volgens inligting deur P.G.M. Scholtz, in lewe onderwyser te Standerton, verskaf was Eduard Hauman Scholtz, onderwyser van beroep en het in die Bokkeveld onderwys gegee.

Hy het in Stellenbosch groot geword en vermoedelik het hy daar ’n gevorderde mate van onderwys geniet. Die N.G. Kerk Kweekskool is in 1859 geopen en die Victoria Kollege in 1865. Hy kon dus nie sy onderrig aan een van hierdie inrigtings ontvang het nie.

Die registers van die Onderwysdepartement vir die jare 40 en later moet nageslaan word. Meer waarskynlik, soos toentertyd dikwels die geval was, het hy opgetree as onderwyser by privaat skole en verwysings sal moeilik gevind word.